Strict Standards: Non-static method plgSystemimagesizer::make_img_output() should not be called statically in /home/akyanous/public_html/plugins/system/imagesizer/lbscripts/slimbox.php on line 37

Strict Standards: Non-static method plgSystemimagesizer::make_img_output() should not be called statically in /home/akyanous/public_html/plugins/system/imagesizer/lbscripts/slimbox.php on line 37

Հանգանակութիւն 2014 ի նպաստ մեր դպրոցներուն:

ՀԱՅԿԱԿԱՆ ՎԱՐԺԱՐԱՆՆԵՐԸ՝ Ազգային մեր ջերմանոցը

Յունահայ ազգային մեր վարժարաններէն ներս երկու տարի առաջ սկսած տնտեսական լուրջ տագնապը իր տխուր երեսը դարձեալ ցոյց կուտայ մեզի: Երկրի տնտեսական ճնշուած վիճակը, ինչպէս նաեւ յունական պետութեան կողմէ ուսուցիչներու ամսական վճարումներու մեծ մասի մը դադրեցումը, իրենց անմիջական հետեւանքները կ’ունենան մեր դպրոցներու մատակարարման մէջ:
Այսօր դարձեալ կը գտնուինք մեր գաղութին պարտադրուած իրականութեան մը առջեւ, որու դարմանը մեր հաւաքական ճիգերուն եւ ուժեղ կամքին մէջ միայն կարելի է փնտռել:

Յունահայ գաղութի եւ իւրաքանչիւր գաղութի ապագան՝ ամրօրէն կապակցուած է հայկական իր վարժարաններու գոյութեան հետ: Ծանօթ է բոլորիս, թէ հայեցի դաստիարակութեան խնդիրը հիմնաքարն է ազգային դիմագիծի անաղարտ պահպանութեան: Իսկ քիչ մը անդին երթալով, չափազանցութիւն չ’ըլլար եթէ ըսենք, որ նոյնպէս հիմնաքարն է՝ հայութեան իրաւունքներու պայքարին եւ Հայաստանի պետականութեան գոյատեւման մէջ: 
Մե՞ծ բառեր, որոնք տեղի՛ն են սակայն, որովհետեւ առանց հայեցի դաստիարակութիւն ստացած հայ անհատներու, մեր հաւաքական ապագան նուազ ամուր եւ ապահով կը դառնայ: Յարգելով հանդերձ որոշ բացառութիւններ, պէտք է ըսել, որ հայեցի դաստիարակութենէ զուրկ հայը ընդհանրապէս պատրաստ չէ նոյն յանձնառութիւնը ցոյց տալու ազգային մեր հետապնդումներուն մէջ, երբ պզտիկուց հեռացած ըլլայ հայկական սեղմ շրջանակէն: Իւրաքանչիւրի համար հոգեկան կապը շատ ամուր է, իր մանկական տարիները յատկանշած վայրերու առընչութեամբ: Այդպէս է մեր դպրոցը, այդպէս է մեր ակումբը, այդպէս է մեր տունը, ազգային մեր ջերմանոցը հանդիսացող բոլոր վայրերը:
Մեր սրտերուն այդ ջերմութիւնն է, որ պէտք է փոխանցենք յաջորդող սերունդներուն, նոյնքան ուժքին, նոյնքան հոգատար ձեւով:
Երաշխաւորելու համար մեր վարժարաններու գոյատեւումը Յունահայոց Ազգային Վարչութիւնը կը ձեռնարկէ «Ֆոնեթոն» նուիրահաւաքի մը կազմակերպման, որ տեղի պիտի ունենայ Կիրակի 16 Մարտ 2014ին: Թէ՛ որպէս կամաւորներ, թէ՛ որպէս նուիրատուներ մեր բոլորի մասնակցութիւնը կարեւոր այն ազդակն է, որ պիտի երաշխաւորէ հանգանակութեան յաջողութիւնը:
Ներկա՛յ ըլլանք բոլորս:
Նուիրատո՛ւ դառնանք բոլորս:

Մեր գաղութի բոլոր միութենական թէ անհատական ուժերը համախմբելու առիթ մըն է այս, որ պիտի փաստէ մեր կազմակերպուածութիւնը, ազգային եւ գաղութային մնայուն մեր արժէքներուն հանդէպ մեր նուիրածութիւնը:

Խմբագրական ԱԶԱՏ ՕՐի
24 Յունուար 2014 

schoolphonethon.gr

 

-Bazaar Αγάπης 2019
Κυριακή 7 Απριλίου 2019
Στο ξενοδοχείο InterContinental

-Εθελοντική Αιμοδοσία 2019
Κυριακή 17 Μαρτίου 2019 στο Ν. Κόσμο
Κυριακή 5 Μαΐου 2019 στη Νίκαια

Ακολουθήστε μας στο facebook...